Video
Read full review
2023-01-17
22 views
出開旺角好景附近記得要嚟《深燒堂》試下佢地嘅串燒呀😝 食過真心覺得好正😍 主要原因梗係要好味、新鮮、款多、足料、性價比高，咁先可以做到回頭率100%✌🏻🍜深燒花甲粉 $58 （小辣）推介👍🏻（加配 海帶結 $8 鴨血$10）呢幾日天氣凍凍地，叫返碗火辣暖身花甲粉就啱晒口味，足料花甲有成十幾隻，仲有金菇、豆卜、娃娃菜、粉絲呢啲索湯之選真係正爆😍 再加配嫩滑鴨血同海帶結，直頭係自制麻辣燙咁😝 好滿足呀✌🏻🥢蒜蓉燒超級大扇貝 $50/隻 有手掌咁大隻嘅扇貝，未夾起已經聞到陣陣蒜蓉香，牛油辣粉適量唔會蓋過扇貝嘅鮮味，咬開扇貝肉係白雪雪㗎，鮮甜美味😍🍆 燒原條茄子 $48朋友同我對燒茄子真係冇抵抗力，串燒店必叫！出面啲茄子好易整得過火變乾又易燶，呢度真係要俾Like👍🏻 蒜蓉粒溶晒落條茄子度，辣椒蔥花點綴層次更出，茄肉Juicy辣粉香濃，嚟多幾條都唔夠🤤🥢燒韭菜 $16入口鮮嫩又多汁，全靠辣粉孜然粉帶出韭菜鮮味，特別要讚下佢嘅辣粉，夠辣唔搶喉，咁先食得夠過癮😝🍢嫩嫩牛脷芯 $48薄切大塊嫩口牛脷芯，採用牛脷最珍貴最靚脷芯位，燒到啱啱好，入口牛味濃郁爽口👍🏻🍢好味牛助肉 $26脂肪少+肉味濃，幾
主要原因梗係要好味、新鮮、款多、足料、性價比高，咁先可以做到回頭率100%✌🏻
🍜深燒花甲粉 $58 （小辣）推介👍🏻（加配 海帶結 $8 鴨血$10）
呢幾日天氣凍凍地，叫返碗火辣暖身花甲粉就啱晒口味，
足料花甲有成十幾隻，仲有金菇、豆卜、娃娃菜、
粉絲呢啲索湯之選真係正爆😍 再加配嫩滑鴨血同海帶結，直頭係自制麻辣燙咁😝 好滿足呀✌🏻🥢蒜蓉燒超級大扇貝 $50/隻
有手掌咁大隻嘅扇貝，未夾起已經聞到陣陣蒜蓉香，牛油辣粉適量唔會蓋過扇貝嘅鮮味，咬開扇貝肉係白雪雪㗎，鮮甜美味😍
🍆 燒原條茄子 $48
朋友同我對燒茄子真係冇抵抗力，串燒店必叫！出面啲茄子好易整得過火變乾又易燶，呢度真係要俾Like👍🏻 蒜蓉粒溶晒落條茄子度，辣椒蔥花點綴層次更出，茄肉Juicy辣粉香濃，嚟多幾條都唔夠🤤
🥢燒韭菜 $16
入口鮮嫩又多汁，全靠辣粉孜然粉帶出韭菜鮮味，特別要讚下佢嘅辣粉，夠辣唔搶喉，咁先食得夠過癮😝
🍢嫩嫩牛脷芯 $48
薄切大塊嫩口牛脷芯，採用牛脷最珍貴最靚脷芯位，燒到啱啱好，入口牛味濃郁爽口👍🏻
🍢好味牛助肉 $26
脂肪少+肉味濃，幾有咬口，成串滿滿好足料！
🥢燒雞脾菇 $20
爽滑脆嫩雞脾菇，辣味夠香，幾多都食得晒🤤
🍢京蔥豬頸肉串 $35
豬頸肉燒到脆邊，夾埋爽嫩京蔥一齊食中和油膩感，非常唔錯😋
🍢黑椒台灣腸 $20
脆皮台灣腸甜甜地又帶啲黑椒味，味道都幾特別唔係成日食到😄
🥤仙草爽 $10
同朋友同樣愛四周圍搵好野食，當中對串燒特別喜歡💕 一串串慢慢食，吹下水飲返杯嘢Enjoy一下先最滿足🥰
Post
