正 麻辣·茶·雲吞 (Closed)

麻辣，茶，雲吞此店位於長沙灣嘅一條偏僻的小街窄巷。其招牌簡單易明，正是他的三樣招牌食材：麻辣，茶，雲吞。其店雖小，五臓俱全，店內光鮮，用開放式廚房設計，感覺寛敞。老闆娘熱情細心，見我哋兩個咳，就俾咗兩杯羅漢果野生靈芝茶，杯茶清甜潤喉，唯獨係靈芝太淡。今次嗌左四味餸，滷水腩肉， 雞絲涼麵，麻辣炒腸粉，雲吞湯麻辣炒腸粉最令人感意外，簡單嘅食材無限嘅口味，辣為味中之霸，太辣會蓋著其他味，太淡味味像昏君，炒腸粉宜叫少辣，麻辣香味四溢，可上癮，配上茶，一流。雞絲涼麵亦極力推介，光是雞絲以可以和市井之店分出高下，雞絲肉鮮嫩可囗，齒頰留香，好🍆好食，青瓜清爽，麵亦煙韌，麻醬淸甜簡單，亦將所有材料完美融合。點了七粒薑汁豬肉椰菜雲吞，配上豬骨湯，湯鮮甜，並唔係拉麪濃湯嘅豬骨湯，雲吞亦足料，姜汁味雖淡但滲透整個湯，豬肉味鮮。滷水腩肉，太鹹，雖然好香滷水，但肉味卻被蓋過，口感亦有點硬，有啲失望。