明暉小廚餐廳

Open Now

Now Closed

因為近屋企，同埋呀媽鐘意食，所以平時唔煮飯會走落去食。落親去多數都會叫咖哩根腩煲，小腩多根，足料，多汁，d薯仔都入味。再叫一個蒸魚，就睇下當日返左咩魚o岩自己，食過咁多次有一次係死魚，都ok啦。酸菜湖椒豬肚湯，夠大兜，足料炒青菜（加塊肉就有得跟餐，有野飲）其他菜式都ok，可以做長期飯堂。最奇怪只係一樣野，有個婆婆，唔知佢係員工定家屬，男老闆and女老闆，都係咁話個婆婆手腳慢，話佢成日唔記得個白飯要送去幾號枱，不停話，講到成餐飯都聽到係到話人。外賣，近到過條馬路，再行上小小，叫一個餐，餐湯，加飲品，加多士，都唔送，所以我會第間，第二間一個餐都送。總結：食物幾好，地方光猛，有一格細細的洗手間，有電視，上菜快。如果再聽到兩個老闆不停話個呀婆，我下次會選擇食第二間，就算兩個老闆唔係不孝，但係咁話人影響食客。