美味佳 (Closed)

今日又黎尼間位卡紅磡寶其利街的串燒店食啦。尼間由細細個食到大。 今晚又係靚靚老闆娘坐鎮。佢燒既雞翼，雞中翼真係必食。燒得好出色嫁。絕無花假。佢燒既雞翼雞中翼係燒到皮脆肉嫩，仲有雞肉汁。好好味。我地今晚去食宵夜。去到已經好多人企係門口等。而我地當然無所謂啦。入到去，話要等45分鐘先有野食。對於唔趕時間既我地黎講，緊係慢慢等都得。而對於趕時間既朋友仔，就唔好食啦。因為要等好長時間。或者選擇下午個d時間過黎食。佢既串燒真係好受歡迎。而唯一敗筆既係我叫左肥牛韭菜卷。個肥牛好似橡根甘難咬。我地走時，老闆娘仲一路燒一路同我地say 88.抵佢甘好生意的。