🐙武士之魂刺身盛 $438
日本直送、相當豐富嘅刺身盛，裡面嘅刺身全部都非常新鮮！拖羅、牡丹蝦、油甘魚、海膽、魚生飯等等樣樣都有。托羅外層充滿魚油花紋，入口即溶，牡丹蝦鮮甜爽口，配埋魚生飯食，非常滿足！
🍢鹽燒白鱔 $58
外脆內軟嘅燒白鱔，燒得恰到好處，加上些少鹽香，令味道更加提升
🍗炸雞軟骨 $38
炸得酥脆可口嘅雞軟骨，咬落去好有口感，份量都相當足夠，
🍤吉列炸蝦 $32
炸蝦外脆內嫩，唔會覺得油膩，配上沙律醬，簡單又好味
🍙芝士軟殼蟹反卷 $58
軟殼蟹好大隻，配上白飯同香濃嘅芝士一齊食，口感層次非常豐富！
🍘紫芋甘栗薯餅 $28
外皮酥脆，裡面嘅紫芋甘栗甜度啱啱好，好值得一試嘅甜品！
1
