Video
Read full review
2019-09-26
1277 views
成日都係社交平台見到朋友係呢度整大阪燒，今次同朋友補祝生日就一於黎呢度試試！我地一早已經訂左位，所以都唔洗等好耐。其實7點鐘到餐廳個陣都未算好多人嘅～門口嘅裝修都好日式。我地兩個叫左一個二人餐，有前菜、主食、甜品仲包一杯野飲，都好豐富！前菜就係一個普通嘅沙律。當我地差唔多食哂嘅時候，店員提醒我哋原來隔離塊煙肉係要自己煎完擺落去一齊食😂😂主食方面就有御好燒、廣島燒同埋鐵板燒。由於我地係第一次整，開頭真係無從下手。好彩呢度有圖逐個步驟教你點整，由落油、落料、等待時間同翻面都一一解說，有跟住做真係容易好多！最後我地都成功製作兩個餅，都算係咁啦😋😋味道方面其實同平時食開既大阪燒差唔多，自己落手落腳整又係另一種體驗同味道😛不過我地叫個隻道頓堀雜錦裡面有啲紅薑碎，唔鐘意有薑味記得要留意啦！仲有肉同帶子可以燒黎食，咁多樣主食我地兩個人都食到超級飽，大滿足！甜品方面就可以揀雪糕口味，我地就揀左柚子味。整體黎講都唔錯，食物都好味，餐廳都乾淨，係個枱面有少少油笠笠。90分鐘限時食，我地就食到時間岩岩好就走人，鐘意食飯吹水嘅話可能就要留意番時間啦😆
成日都係社交平台見到朋友係呢度整大阪燒，今次同朋友補祝生日就一於黎呢度試試！
我地一早已經訂左位，所以都唔洗等好耐。其實7點鐘到餐廳個陣都未算好多人嘅～門口嘅裝修都好日式。
我地兩個叫左一個二人餐，有前菜、主食、甜品仲包一杯野飲，都好豐富！
前菜就係一個普通嘅沙律。當我地差唔多食哂嘅時候，店員提醒我哋原來隔離塊煙肉係要自己煎完擺落去一齊食😂😂
主食方面就有御好燒、廣島燒同埋鐵板燒。
由於我地係第一次整，開頭真係無從下手。好彩呢度有圖逐個步驟教你點整，由落油、落料、等待時間同翻面都一一解說，有跟住做真係容易好多！最後我地都成功製作兩個餅，都算係咁啦😋😋
味道方面其實同平時食開既大阪燒差唔多，自己落手落腳整又係另一種體驗同味道😛不過我地叫個隻道頓堀雜錦裡面有啲紅薑碎，唔鐘意有薑味記得要留意啦！
仲有肉同帶子可以燒黎食，咁多樣主食我地兩個人都食到超級飽，大滿足！
甜品方面就可以揀雪糕口味，我地就揀左柚子味。
整體黎講都唔錯，食物都好味，餐廳都乾淨，係個枱面有少少油笠笠。90分鐘限時食，我地就食到時間岩岩好就走人，鐘意食飯吹水嘅話可能就要留意番時間啦😆
Post
