Video
Read full review
2020-06-16
338 views
閒日九點幾，兩位，唔洗排隊。黎之前見到都幾多食評話服務差，內心都打左個底，但抱住試新野心態都選擇左呢間札幌過江龍。但我反而想講，間野服務態度唔差，重幾好喎😂事緣我見到落單紙寫住「香港限定」同「特濃蝦汁 」就即刻剔左，好彩店員收落單紙有問多一句：「係咪兩位都要湯麵？」先發現原來我剔左拌麵！於是轉返招牌蝦湯拉麵，店員都幾細心丫。叉燒飯，賣相一般，用既係豚肉粒，成個感覺好似台灣滷肉飯，不過肉質比較嚡，肉份量較少，個人覺得麻麻。湯底：濃厚豚骨湯底口味：鹽味配料：每碗附有叉燒，半隻溏心蛋自選：蔥和麵酥（紅姜天婦羅）先飲一啖湯，Wow～好似飲緊一萬隻蝦煲出黎既湯咁😂真係好濃！鐘意食蝦既，湯底可以揀原味或者適量豚骨，應該會更更更濃！湯底重口味得黎唔會過咸，配埋啤酒，我覺得岩岩好，唔會話要狂灌水。叉燒，雖然好薄好薄，但肥瘦度適中，都算出色，但慳住食都唔夠送晒成碗麵，因為麵既份量麵都唔少。粗麵爽彈掛湯，食到最後食淨麵都唔算好齋。啤酒好夠凍😂👍🏼飲啤酒一定要夠凍！順帶一提，食食吓拉麵先發現漏左俾啤酒，揮手叫店員即刻有人理，重好快上返俾我，態度好好。食滿$100有$50 voucher，下次食滿$110就可
黎之前見到都幾多食評話服務差，內心都打左個底，但抱住試新野心態都選擇左呢間札幌過江龍。但我反而想講，間野服務態度唔差，重幾好喎😂
事緣我見到落單紙寫住「香港限定」同「特濃蝦汁 」就即刻剔左，好彩店員收落單紙有問多一句：「係咪兩位都要湯麵？」先發現原來我剔左拌麵！於是轉返招牌蝦湯拉麵，店員都幾細心丫。
叉燒飯
$45
20 views
0 likes
0 comments
叉燒飯，賣相一般，用既係豚肉粒，成個感覺好似台灣滷肉飯，不過肉質比較嚡，肉份量較少，個人覺得麻麻。
招牌蝦湯拉麵
$88
18 views
0 likes
0 comments
湯底：濃厚豚骨湯底
口味：鹽味
配料：每碗附有叉燒，半隻溏心蛋
自選：蔥和麵酥（紅姜天婦羅）
先飲一啖湯，Wow～好似飲緊一萬隻蝦煲出黎既湯咁😂真係好濃！鐘意食蝦既，湯底可以揀原味或者適量豚骨，應該會更更更濃！湯底重口味得黎唔會過咸，配埋啤酒，我覺得岩岩好，唔會話要狂灌水。
叉燒，雖然好薄好薄，但肥瘦度適中，都算出色，但慳住食都唔夠送晒成碗麵，因為麵既份量麵都唔少。粗麵爽彈掛湯，食到最後食淨麵都唔算好齋。
札幌啤酒
$38
12 views
0 likes
0 comments
啤酒好夠凍😂👍🏼
飲啤酒一定要夠凍！
順帶一提，食食吓拉麵先發現漏左俾啤酒，揮手叫店員即刻有人理，重好快上返俾我，態度好好。
食滿$100有$50 voucher，下次食滿$110就可以用。有voucher都會推介朋友黎，正價既話，除非好鐘意濃蝦口味，不過都一試無妨。
Post
