超級驚喜
估唔到食到住家飯嘅味道之餘，但係又好食過住家飯好好多調味超級啱我口味❤️
今次特登預訂咗超級想食嘅炸子雞、又想食薑蔥蠔又想食新鮮北寄貝同埋想食豉椒炒蟶子再加多個椒絲腐乳通菜😋
老闆兼主廚超級好人幫我哋去買勁新鮮嘅海鮮隻雞連雞胸都係嫩滑㗎❤️❤️❤️
隻雞一嚟到我哋用咗超級短嘅時間已經消滅咗😍
跟住係個薑蔥蠔講真啲薑蔥真係精華，但係啲蠔都好正好正，忍唔住食咗幾粒
然後嗰個蒜蓉粉絲蒸筆記貝我哋以為只係有六隻，點知食完六隻之後又嚟多六隻❤️❤️❤️超級新鮮，超級滿足！
豉椒炒帶子啲帶子當然係好食啦，但係啲辣椒圈仲惹味真係好滿足👍🏻
但係最後嚟呢個椒絲腐乳通菜先係最令我驚喜雖然其他嘢都好好食，但係依個調味係對正我嘅味蕾
如果碟菜係第一個餸嚟嘅，我應該已經食咗三碗飯，佢個汁真係超級好食，又唔係鹹，
但係非常夠味👍🏻👍🏻👍🏻
我已經好耐冇寫過食評，但係依一餐真係令到我覺得要寫返一篇食評
