是但求其食 (Closed)

去元朗交收，打開手機一眼被餐廳名吸引，是但求其食睇下有無咁求其先。一入門口就見三面墻巨大海底背景，都幾特別。兩個人叫佐2份主食，一份小食。一個龍蝦意大利飯，飯香濃郁，非常惹味，值得一試。墨魚汁帶子面適合口味偏淡的朋友，最喜歡小食濃郁的蛋黃鹹香包裹著即炸的雞翼，外脆裡嫩，一咬下去汁香溢流，非常可口。飲料我哋嗌左一杯鴨屎奶綠，個綠茶的確味道獨特，奶味不重，配搭得剛剛好，入口給人一種清新的感覺，非常美妙。另一杯奇異果蘇打就中規中矩，下次會想試白桃蘇打。係wor，餐廳黎緊會有free flow嘅活動，係任飲紅白酒sake生啤！下次再來試酒飲。總得來說，餐廳環境清幽，價格適中，適合好友一起聚餐飲酒，不過記得提前預約，餐廳位置偏少。