老厝邊 (Closed)

疫情關係冇得去台灣，唯有留喺香港食台灣菜揀呢間老厝邊係因為店主喺台灣跟過婆婆學廚，感覺會有濃濃嘅家鄉味～眷村紅燒牛三寶麵 $78湯底濃郁，食得出加左藥材同香料，味道好有層次，而且質地偏杰身，好適合掛麵～材料方面除左有牛三寶（牛筋、牛腩、牛肚），仲有小棠菜、白蘿蔔，每樣食材都最少有2份，好足料。其中牛筋煮得好腍好入味，就算厚切都完全唔韌～超濃芋泥蛋餅 $35喺芋泥蛋餅同芝士肉鬆蛋餅之間掙扎左好耐，芋泥控嘅我最終都係揀左前者一拎上手D芋泥已經爆曬出黎，睇到我流曬口水～然後發現原來個餡包埋芝士同肉鬆！個芋泥好濃郁好正，不過味道有少少俾芝士同肉鬆蓋過左，感覺上有點喧賓奪主，如果分返開應該會再好食D ❤花雕醉雞 $32同平時食開嘅好唔同，唔係雞件咁上，而係將雞肉捲成圓柱型紥實再切成片，所以食落口感會比較彈牙涼拌小黃瓜 $25醬汁感覺偏甜，可能係台式古早味嘅關係？