Video
Read full review
2017-04-09
1037 views
近日知道創興5樓新開左間日式放題, 緊係即刻同朋友去試下啦, 一上到去好有日本FEEL, 入面仲好寬敞, 每個坐位都坐得好舒服, 不過由於係新開, 所以會有裝修既味道, 服務亦好好, 好難得.哈哈, 一坐低就緊係剔野食啦, 種類都OK多, 要每樣都食確係難事, 首先我地點左食放題必食既刺身, 有三文魚腩, 希靈魚, 油金魚, 象拔蚌, 馬刀貝, 帶子, 刺身蝦等...每件都唔會切到好大件, 食多幾轉都唔怕, 哈哈, 馬刀貝勁爽口, 帶子好清甜, 刺身蝦中等SIZE, 但勁鮮甜.之後我地仲叫左壽司, 其實食放題真係唔好食咁多壽司, 因為驚食飽食唔到其他野, 不過呢到D壽司又唔可以唔食, 因為樣樣都好吸引, 例如有: 海膽, 火焰三文魚, 火焰芝士三文魚, 花之戀, 左口魚邊, 龍蝦和牛卷, 鰻魚, 吞拿魚腩, 好彩件件都係細細件, 一口壽司, 咁就食多D都唔怕啦, 哈哈.飲品叫左凍菜蜜, 無咁多汽MA, 另外仲有啤酒, 清酒任飲.前菜我地叫左味付螺肉.哈哈..我地膽粗粗叫左個海膽炒飯, 一上枱好香, 不過SIZE比想像中大, 不過食食下都食哂.小食方面都有好多款, 呢個芝士焗虎蝦必食!!
哈哈, 一坐低就緊係剔野食啦, 種類都OK多, 要每樣都食確係難事, 首先我地點左食放題必食既刺身, 有三文魚腩, 希靈魚, 油金魚, 象拔蚌, 馬刀貝, 帶子, 刺身蝦等...每件都唔會切到好大件, 食多幾轉都唔怕, 哈哈, 馬刀貝勁爽口, 帶子好清甜, 刺身蝦中等SIZE, 但勁鮮甜.
之後我地仲叫左壽司, 其實食放題真係唔好食咁多壽司, 因為驚食飽食唔到其他野, 不過呢到D壽司又唔可以唔食, 因為樣樣都好吸引, 例如有: 海膽, 火焰三文魚, 火焰芝士三文魚, 花之戀, 左口魚邊, 龍蝦和牛卷, 鰻魚, 吞拿魚腩, 好彩件件都係細細件, 一口壽司, 咁就食多D都唔怕啦, 哈哈.
飲品叫左凍菜蜜, 無咁多汽MA, 另外仲有啤酒, 清酒任飲.
前菜我地叫左味付螺肉.
哈哈..我地膽粗粗叫左個海膽炒飯, 一上枱好香, 不過SIZE比想像中大, 不過食食下都食哂.
小食方面都有好多款, 呢個芝士焗虎蝦必食!! 大廚將蝦一開2, 滿滿的芝士再加明太子醬一齊焗, 勁香, 勁正, 仲要勁厚肉, 堅啖啖肉, 食一隻真係唔夠喉, 哈哈.
仲有呢款芝士焗蠔, 雖然蠔肉不算大, 但配上呢個芝士波菜白汁一齊焗又係必叫之選.
另外仲叫左金菇牛肉卷, 羊架.
鹽燒雞腎串, 雞腎爽口, 外面灑了辣辣的招鹽更野味.
呢款京燒鰈魚, 有D似銀雪魚咁, 肉質滑, 可以點埋沙律醬一齊食.
吉列炸蠔啖啖肉, 外脆內軟, 好JUICY. 南蠻炸雞, 韓式炸雞模樣.
芝麻脆皮雞翼, 望落去好似乾左D咁, 但咬落肉質嫩滑, 啖啖肉汁.
天婦羅方面, 有海蝦, 南瓜, 秋葵, 日本番薯, 冬菇.
最後我地點左清湯雜菜鍋, 主要係紹菜, 白羅白, 少量金姑同豆腐, 湯既味道清清甜甜.
最後當然唔少得美味既甜品啦, 我地點左綠茶同芝麻味既雪糕, 夠哂冰凍, 正!!
Post
