日山 (合和商場)

Open Now

Now Closed

朋友話放假帶我去食好嘢，真係估唔到原來係香港有一咁勁嘅壽喜燒餐廳，感覺好似去左日本東京咁。間餐廳係灣仔合和商場，原來真係來自日本嘅過江龍，主打食壽喜燒，成間餐廳個設計非常之日本，淨係個門口已經好似日本嗰啲神社，成間餐廳裝修設計都充滿日本風味。朋友請食飯梗係豪一豪，叫咗成個壽喜燒套餐，簡簡單單咩都有得食唔使諗。前菜溫物壽司壽喜燒烏冬，各有各精彩。重點要講吓個壽喜燒，餐廳安排A5和牛每個月兩次由日本空運抵港，所以啲A5和牛肉質非常出色，油脂分明，入口軟嫩，牛肉入口即溶。壽喜燒汁唔會太甜，傳統日本口味。