餐廳的門面去到餐廳內裡的裝修都好似去左日本磯燒店的感覺，而且仲播著日文歌，令人忘記煩憂。
餐牌上有多款不同的選擇，當然要食下磯燒，也點了其他款式試試。
既然來到日本餐廳就跟日本人一樣先點杯酒飲下!
梅乾燒酎，飲品好香梅乾的味道，甜味多過酸味!青檸菠蘿燒酎，飲品好有檸檬味，所以比較酸，但由於有鮮甜的菠蘿，中和了酸度，而味道好適合女士飲用!
蟹肉青瓜沙律，蟹肉都幾多，配上蟹籽一齊食，口感豐富，青瓜清甜!
樂.五點刺身，食日本野當然要食下刺身，這個拼盤有甜蝦、吞拿魚、油甘魚、三文魚及魷魚條。三款魚的刺身都是厚切的，而且非常新鮮鮮甜!
浜燒蟹甲羅，食磯燒冇可能唔食蟹甲羅，這裡店員會幫忙燒，我們只需要坐係到等食便可。甲羅燒好香蟹膏的味道，加上蟹肉和蟹籽，令甲羅燒口感豐富。
浜燒大蝦，這裡的大蝦真係好大隻，起碼有手掌咁大!蝦肉爽口彈牙而且鮮甜，仲落左少少的鹽，所以帶有少少鹽味!
明太子玉子燒，玉子口感都幾滑，內裡夾有明太子沙律醬，咸咸地酸酸地少少辣幾惹味!
漁道樂軍艦，這款軍艦有別於平時食到的軍艦，紫菜部分轉為青瓜，食落去好清新而且唔會有一種好漏的感覺。軍艦材料方面有吞拿魚蓉、三文魚籽、蟹肉、海膽、吞拿魚同埋蟹籽。當中海膽鮮甜，帶有海水味，吞拿魚粒有好香濃的魚味!
海皇卷，這款卷物內裡是蟹肉，而上面有三文魚、吞拿魚、油甘魚角切，好有口感!
牡蠣和牛，我好少會係生牛肉，但因為見到這間餐廳乾淨衛生，所以就試試這款好少會係香港見到的食物!生蠔大隻而且juicy，生和牛入口即溶，好香牛肉味，再加上有黃芥末點綴，特別惹味!
蒜燒牛舌，牛舌不會太厚切，所以食落唔會好韌，juicy又夠鹽味!下次有機會要再黎食煮日本野，睇下日本舞!
