Umegaoka Sushi No Midori Souhonten (Mira Place 1) (Closed)

美麗華店初初開嘅時候食物同服務都一流，真係同喺東京店食有得比，但係尋晚去食……發生咩事？點解可以差到咁，叫咗極上大吞拿魚腩壽司嚟到祇可以話佢係普通唔肥嘅魚腩連中吞拿魚腩到末到嘅水準，又叫個滿滿三啦，D海胆係苦嘅，其他魚生都唔係特別新鮮。
另外安排咗我哋坐喺門口附近，門口嗰位女帶位服務員成晚都大大聲講嘢，又話D待應唔快D執枱又話自己好多嘢做好忙，感覺完全係茶餐廳食飯一樣，呢間食完呢次應該無下次，想食嘅都會去青衣城分店食起碼食材新鮮D同服務好D。