Video
Read full review
2018-04-04
53 views
樓上Cafe出名隔涉，不嬲要整熟人介紹先識揾食，呢間都係一樣隱藏左係工廠大廈入面，係一個好樓上cafe精朋友帶我上去😳位置算方便地鐵站行五至10分鐘左右去到，個工廠大廈都會見到有個易拉架，不過要留意佢係頂層搭lift到到頂樓要自己行樓梯上一層先去到，我都唔知個friend點揾食到呢個位😵入番正題，一入門口就俾佢嘅裝橫驚艷咗，勁似去咗日本嘅溫泉酒店咁，因為佢嗰種木質配搭，昏黃色嘅燈光，仲有揀咗一個位做紀念品小賣部，仲以為自己去咗日本😍最最特別係一處疑似tatami既角落，有啲好軟綿綿既坐墊，簡直可以響度死蛇爛鱔咁坐🙈不過我地得兩個人冇得坐嗰度😭又拉遠咗講翻食野，因為晏晝食得太飽，同朋友揀咗小食過下口癮，十勝一口牛原本想食和牛味，唔覺有可能我未食過十勝牛怪錯佢🙈筋位比較多唔夠鬆軟。牛油主菌煎帶子幾香，不過食得出唔係新鮮帶子，不過呢個價用雪藏食材好正常左口魚沙律係店員推薦，上次食完左手魚刺身愛上咗佢，鍾意食魚刺身既你值得一試！未夠飽再來一客串燒，京蔥不嬲冇得輸，松葉蟹棒我以為係真蟹肉，結果係普通蟹柳所以有啲失望咗，不過蟹柳來講佢係食得出個種鮮甜味其實幾好味，改翻嗰名我就唔會誤解咗🙈食得幾飽都
位置算方便地鐵站行五至10分鐘左右去到，個工廠大廈都會見到有個易拉架，不過要留意佢係頂層搭lift到到頂樓要自己行樓梯上一層先去到，我都唔知個friend點揾食到呢個位😵
入番正題，一入門口就俾佢嘅裝橫驚艷咗，勁似去咗日本嘅溫泉酒店咁，因為佢嗰種木質配搭，昏黃色嘅燈光，仲有揀咗一個位做紀念品小賣部，仲以為自己去咗日本😍
最最特別係一處疑似tatami既角落，有啲好軟綿綿既坐墊，簡直可以響度死蛇爛鱔咁坐🙈不過我地得兩個人冇得坐嗰度😭
又拉遠咗講翻食野，因為晏晝食得太飽，同朋友揀咗小食過下口癮，十勝一口牛原本想食和牛味，唔覺有可能我未食過十勝牛怪錯佢🙈筋位比較多唔夠鬆軟。
牛油主菌煎帶子幾香，不過食得出唔係新鮮帶子，不過呢個價用雪藏食材好正常
左口魚沙律係店員推薦，上次食完左手魚刺身愛上咗佢，鍾意食魚刺身既你值得一試！
未夠飽再來一客串燒，京蔥不嬲冇得輸，松葉蟹棒我以為係真蟹肉，結果係普通蟹柳所以有啲失望咗，不過蟹柳來講佢係食得出個種鮮甜味其實幾好味，改翻嗰名我就唔會誤解咗🙈
食得幾飽都好女人點都會叫份甜品，自家製芝士蛋糕，不過夜得滯叫所以得返原味呢個選擇，入口綿滑奶味香濃，都幾好食😋
埋單每人二百幾，價錢ok，如果可以坐到軟座就更一流～
Post
