舖內充滿日本小店味道！兩旁係滿佈壁畫特色牆紙，最特別係牆上有個投影 全程播住日本各地嘅風景🥹🥹一路食一路睇住咁靚嘅風景真係特別開胃！心情都好啲🥰
食物方面都完全冇失望，估唔到連湯咖喱以外嘅嘢都好有驚喜！
-
🍛湯咖喱牛舌飯+飲品+雪糕 $179
係可以直接飲嘅咖喱！完全唔會鹹，濃濃嘅咖喱香味，第一次試覺得好特別🥰撈飯一流，食完成碗都唔會膩
特別想提下嘅係 啲野菜全部都有炸過，充滿油香味，非常有心！
🍛名古屋鰻魚飯+飲品+雪糕
呢個係超級驚喜！個人覺得已經係香港食過最好食嘅鰻魚飯之一🥹同日本名店食到嘅已經差唔多水準🥹
魚肉做到入口即融又冇咩骨，仲有多種調味料俾你揀，Wasabi胡椒鹽蔥等等，仲有高湯！！完全係傳統日式風味👍🏻
🍧雪糕 - 柚子 & 朱古力曲奇
甜品都好驚喜！原來唔係一般雪糕！好似係用北海道牛乳整😻一食落口就feel到唔同！
- 柚子雪糕極滑🥹柚子味又香又濃
- 朱古力曲奇就係另一種口感 類似雪芭咁，超超超香牛奶香味！
🍹飲品 - 蘋果茶 & 藍莓梳打
套餐包埋 幾解渴同幾大杯👍🏻爽嘅
