坐低左之後職員即刻俾咗餐牌我哋，叫餐嘅時候唔使等，而且服務態度好好！
平時鍾意食炒金邊粉嘅我覺得炒得好出色，有驚喜！非常推介！芭堤雅蝦醬炒飯蝦醬味好香，啲飯都炒得啱啱好。招牌無骨海南雞可以揀半隻或者一隻，今次我哋揀咗一隻，好啱一班人一齊食，而且雞肉非常之嫩滑，值得一試。馬拉盞炒秋葵同樣出色，平時唔係好鍾意食秋葵嘅我都覺得炒得好好！而且秋葵切粒，好方便客人食。泰式蠔仔蛋擺喺鐵板上面，上枱嘅時候仲出晒煙，熱辣辣，蠔仔好足料，仲一啲都唔腥添！我哋仲有嗌左軟殼蟹卷，同樣足料，炸咗嘅軟殼蟹同唔同嘅蔬菜用米子包住，一啲都唔油膩，我都忍唔住食多咗一舊！至於馬拉盞炒通菜，上菜嘅時候仍然爽脆，我有個朋友做開口讚話覺得好食！
總括嚟講，呢間餐廳價錢親民，而且質素高，好推介大家一試！會有驚喜！
