一瀧 (Closed)

同朋友慶祝生日，上網搵到呢間，一來之下，果然無失望。呢度裝修充滿江戶時代風，環境好日本，打卡一流，內籠比想像中大好多，位與位之間唔會好密集，坐得好寬落同舒服，仲有另外一邊我未行到，個邊無影到相。坐低之後我地點左：宮崎A4和牛壽喜燒定食。西京燒佐賀金星豚腩定食。鰻魚鵝肝墨魚汁卷。唐揚炸三瀨雞。抹茶雪糕。廚房上菜到我地台度，會耐心講埋呢道料理需要注意啲咩，主要整法同埋點食係最好味，員工服務好好。食物整體都好高質，日本嘢價錢唔算貴，和牛入口融化(雖然lunch係煮埋先上)，炸雞外脆內裡juicy，鰻魚鵝肝卷食落好有層次感，抹茶味道清新帶少少苦澀味，menu度有好多樣嘢都想試，但無奈已經好飽了🙈有機會一定再來食。