金鈿茶餐廳 (Closed)

睇牙醫前，先吃點東西打底，免得到時又食唔到野。隨便找一間茶記便可，今次就推門入這金鈿茶餐廳。看大餐牌，竟然有Carbonara? 我唔係眼花呀嘛? 不過只是下午茶時段供應。晚市，我揀了咖喱牛腩飯，飲杯熱奶茶。咖喱汁不是太刺激，但同時都不香，幸而牛腩夠稔身，沒有根，配角的青椒爽口，卻未算清甜，洋蔥則可以做得稔身一點。呢味咖喱，唔算太差，起碼送得到飯。奶茶送上，色水偏沉的，喝一口，原來是又苦又澀，質感完全唔得滑，是極少數我喝不下去的出品，亦絕對是FL飲過最差勁的奶茶。都有掙扎究竟應該俾喊面或是OK，鑑於杯奶茶太難飲，作為一間茶記做出這樣子的奶茶，不能原諒。