翠華餐廳 (Closed)

好耐好耐無食過翠華，剛好有一張免費奶茶券，順便食返個奶油豬，當年呢個組合簡直令人大排長龍。雖然光芒不再，但都有一定水準，奶油豬仍然香脆，份量十足，咬落去清脆有聲奶油份量足，一見到就好懷念，馬上影完相就開餐口痕叫多個雞批，暖笠笠上枱，雞肉入味又沒有太多肥膏，正常水準，不過不失。至於奶茶☕️今日好似有點失準，色有，香都有但偏偏茶太甘搶了奶的味道，或者對於吾愛奶味既朋友就岩，但對我就覺得茶奶兩者有點吾平衡。但整體仍可以的（奶油豬相片顏色有點偏差同深，實物不是的，免得誤會燶了）