海鮮拼盤整體都算新鮮，令我想一吃再吃的是
蝦蝦蝦～本身隻蝦都算大隻，燒完之後，吃起來肉質飽滿紮實，甜甜地，好juicy~
肉類選擇頗多，牛、豬、雞都有。我首推和牛拼盤，肉質鮮嫩，燒時亦都不會黏烤網。燒完放岩鹽上邊，食起來更加突出肉味。
熟食方面，我首推係豬骨濃湯稻庭鳥冬，烏冬食起來好滑，豬骨湯底都濃味，我一口氣食咗兩碗，同行朋友吃咗地獄烏冬，我試咗少少，湯底好香，鍾意食辣既一定鍾意（真係一啲都唔誇張喔！）除咗烏冬，仲有好多唔同既熟食，芝士年糕、小丸子都好好味。清酒煮蜆都唔錯，蜆肉鮮甜，食落有淡淡清酒味。
除咗燒肉，刺身都唔錯。刺身有三文魚、希靈魚、北寄貝、帶子等等，選擇算多，味道新鮮，我最鍾意甜蝦，食落真係甜甜地，好味道！刺身份量合宜，屬於一口刺身。我係女仔都幾鍾意呢種份量，男仔就可以增加數量，反正任食，想食幾多就幾多！
蔬菜方面選擇都合理（洋蔥、雞脾菇、三色椒、南瓜.....），我地燒咗菠蘿、甜薯、栗米、茄子、菇。菠蘿、甜薯、栗米都甜。菇燒完後，軟淋淋，咬起來都有汁，加少少海鹽食覺得幾好味。
女仔就係無論幾飽都會預留一個位置俾甜品
餐廳既甜品係哈根大師仔，有幾款味道可以選擇，吃完後成個感覺好滿足。
餐廳係用平板落單，想食咩可以自己慢慢選擇，上菜速度相當快。一確定下單，幾分鐘內已經上到，部分食物可能再快啲，呢個非常抵讚。另外，餐廳職員都好貼心，時不時都過來望望我地，見到差不多就幫我地換烤網(偷偷地影，哈哈)、吃完都有適時遞上濕紙巾，服務態度唔錯！整體來講環境舒適，食物質素唔錯，燒肉放題來講算平，值得再食!!!!!!!
