寶膳美點火鍋小廚

Open Now

Now Closed

有個好出名嘅 DJ 鄭子誠，曾經講過，豆腐火腩飯係男人的浪漫，計我話呢，人類唔應該分男人同女人，所以係冇分男人的浪漫或者女人的浪漫。我向來就鍾意食豆腐火腩飯，咁樣係咪應該叫做女人的浪漫呢，不過的的確確踎茶記食佬飯係一件好浪漫嘅事，呢一種浪漫唔係嗰啲淨係識得著高踭鞋，拎住手袋仔去 high tea 嗰啲女人仔所能明白到嘅。今日我又叫咗個豆腐火腩飯嚟食，呢度啲飯好大兜，我意思係好多白飯。個獻汁好咸，啲豆腐炸得唔係咁好，火腩都係好咸，味道上面其實一般般，不過都可以收貨嘅。呢度杯凍檸茶就認真掂，茶底夠香濃，好啱我口味。