連和燒臘飯店

Open Now

Now Closed

男人的浪漫 唔一定係豆腐火腩飯，女人的浪漫 亦唔一定係去high tea，雖然high tea我都啱。可以咁講，其實女人都可以食得好粗豪，尤其我呢種已界中年， 永遠 T shirt、波鞋、牛仔褲 嘅中女OL，要我將食物切細細嚿，細細啖細細啖咁食，sorry我做唔到囉，我唔係不顧儀態嘅女人，只不過我喜歡唔扮嘢做自己jei。Lunch time 我就買咗一盒 燒肉、切雞、 鹹蛋 飯 返office食，隔離個靚妹見到我呢盒飯立即 "嘩" 咗一聲，佢話佢要三餐都食唔曬喎，whatever 啦，我就話呢啲先至係女人的浪漫呀。呢盒飯真係正，燒肉皮夠脆，肉唔鹹又有鮮味， 白切雞滑一滑又夠入味，堅係可以話係皮薄肉滑而且仲好有雞味，鹹蛋個黃有起沙而且係鹹得夠徹底，加埋啲蔥油撈起一齊食，正到不得了。一盒燒味飯加罐可樂，呢啲就係浪漫。