南京金陵湯包 (Closed)

今晚去咗附近石門站,近近地諗住去食陳根記,不過去到已經見到超多人,所以行返去一期睇吓有咩好食。南京金陵之前已經食過一次,見到冇乜人咁媽咪話都可以食上海菜所以就去再食。今次佢加多咗個$88套餐優惠有1個頭盤加一個主菜,都有幾多選擇。我哋頭盤叫咗金陵湯包同鍋貼,主菜叫咗水煮魚片同三鮮炒麵加送一個白飯兩個湯 。再叫咗個天津狗不理包同上海湯粗炒,不過待應好似有少少發夢,叫咗好耐都無人理,野飲叫咗啤酒等左勁耐又再叫待應先攞嚟。不過整體食物味道唔錯,$88個套餐算可以,水煮魚片幾大碗有好多魚塊算好抵食。今餐食咗$325叫咗兩個啤酒三個人食算價錢幾合理。