呢間北角嘅火鍋店以宮廷做主題，餐廳內有龍椅、聖旨、又有高級食物，無論打卡定滿足吓虛榮心都ok，都咪話唔爽！
食物點得太多，唯有逐樣點評，一坐底先有前菜四小碟，湯底我哋揀咗韋小寶特濃沙嗲湯底 (配雞湯) $198，睇顏色已經知好濃郁，食落夠味，又唔會太油，都唔錯！
鹿兒島日本黑豚肉 $98 一片片掛起好靚，一睇已經見到肥瘦適中🐖
羊肉片 $68 好大陣羊羶味，我同友人都勁鍾意羶羶哋嘅羊，呢到就perfect！肉亦都無未完全解凍嘅情況，食落夠羊味，無筋👍🏻
桂花蚌 $128 呢個價錢有咁多真係抵到爛，煮一陣就熟，食落超爽口，未必間間火鍋店都有㗎，大家有興趣可以試試👍🏻
滾得囍宮廷手打丸拼盤 (10粒) $128 包括：手打黑松露野菌鮮蝦丸、手打珍珠帶子墨魚丸、手打菠菜豬肉丸、手打芝心牛肉丸、手打鯪魚丸。大部分丸嘅食材都平普通丸增加咗一份豪華感，又帶子，又黑松露咁，由於手打嘅關係，粒粒都好彈牙。
滾得囍餃子拼盤 (10粒) $108 呢個真係出符意料，首先佢嘅餡料已經好正，包括有：和牛芝士一口餃、新鮮菜苗帶子餃、韭菜豬肉餃、黑松露野菌餃、黃金沙葛餃，仲要每隻餃子都漲卜卜，仲漲過我個肚仔，食落每粒都飽肚感十足，但又因為餡料味道出色而欲罷不能🤦🏻♀️
金菇 $28 份量對得住價錢👍🏻
即炸響鈴 $48 雖然即炸、雖然好脆口，但油膩感唔高，食落無乜罪惡感🤫
足料竹蔗茅根 (一渣) $48 以「足料」自居，又真係幾足料，味道清甜，食完沙嗲湯呢啲濃味湯底，飲返啖，清清口腔嘅味道，又可以再戰🥰
醬芥 (兩位) $56
需加一服務費，埋單2人約$1000。
P.S. 餐廳做緊生啤買二送一優惠，可惜友人要揸車唔飲得酒，當日無人同我一齊啤一啤😭
如果你鍾意睇我嘅食評，不妨關注我，支持吓我，謝謝你☺️💕
