FLIPPER'S (Closed)

終於都試到「傳說中」的奇蹟之班戟！仲要好好彩，人唔係太多，唔使點等位就食到！可能因為係Dinner Time，所以少啲人去食。Luckky～～～見到有出新嘢，估唔到係全新既「珍珠奶茶系列」！有三款，分別係茉香珍珠、芒果珍珠以及一日火味的珍珠奶茶。今次，我就點返杯原味的！用上阿薩母紅茶調配，茶香及奶味適中，珍珠係用上黑糖甜味的，比較特別喎！見到出咗新款的「咸味班戟」當然要試！今次點咗其中一款的「粟米牛油果班戟」，賣相就夠晒一流啦～～有三班班戟咁序！仲可以揀高纖麥味濃郁的全麥班戟或是充滿牛油香的熱香餅。我就揀返熱香餅，我見四圍都仲有人揀全麥班戟呢～～ 個汁絕對係靈魂之作！粟米香濃芳郁，計我話揀熱香餅係無錯！因為可以吸收到更多的粟米汁，食起上黎，啖啖粟米香，好正！當然，熱香餅會易淋啲，所以食既時候要快手啊！相機食先都唔好搞咁耐！而個條粟米都有牛油香，微微炭烤過，同樣好正！黎到呢度，又點可以唔食原味的奇蹟之班戟！名不虛傳的有著空氣感與蛋香！如果Dinner唔想食咁多，黎呢度又唔錯喎！