Video
Read full review
2009-07-15
12 views
今日我同我個frd兩個女仔去食碗屋, 之前我地有上黎睇過大家既食評同相, 覺得唔錯, 諗住試下去到有位waitress好有耐性咁解釋佢地果3 set menu, 態度幾好. 但d sashimi 一黎到我地就對呢間餐廳大失所望. d魚生可能比30蚊一大碟既迴轉式sashimi 更唔新鮮, 件toro既顏色都變埋, 變成近啡帶紅既色, 放入口d筋咬唔斷咁滯, 仲要有陣唔新鮮既腥味之後我地食左d小手卷同壽司, d海膽又係唔新鮮既, 大家都知海膽唔新鮮咩味架啦...食到我地個樣都變埋.........炸物我地叫左炸vegetables,油味亦太重, 仲要一放入口成口油+果陣千年油味..真係..鐵板燒cod fish亦令人大失所望, 正常呢隻魚都唔難整得好食, 因為隻魚有大量魚油, 一燒起上黎就非常香口, 但我地食到既又係一陣老油味,全無魚油香可言.不過公平d要講返佢地個炸蠔,認真唔錯..我地每人食完一隻都再叫多件.全晚最正常既食物都算係佢架喇.......講真我地成晚真係食得唔多野, 我地2個女仔既胃口實在太細喇, 食得勁少野, 埋單八百蚊但食得三百令蚊既份量同質素, 我諗我地都唔會再幫趁
去到有位waitress好有耐性咁解釋佢地果3 set menu, 態度幾好. 但d sashimi 一黎到我地就對呢間餐廳大失所望. d魚生可能比30蚊一大碟既迴轉式sashimi 更唔新鮮, 件toro既顏色都變埋, 變成近啡帶紅既色, 放入口d筋咬唔斷咁滯, 仲要有陣唔新鮮既腥味
之後我地食左d小手卷同壽司, d海膽又係唔新鮮既, 大家都知海膽唔新鮮咩味架啦...食到我地個樣都變埋.........
炸物我地叫左炸vegetables,油味亦太重, 仲要一放入口成口油+果陣千年油味..真係..
鐵板燒cod fish亦令人大失所望, 正常呢隻魚都唔難整得好食, 因為隻魚有大量魚油, 一燒起上黎就非常香口, 但我地食到既又係一陣老油味,全無魚油香可言.
不過公平d要講返佢地個炸蠔,認真唔錯..我地每人食完一隻都再叫多件.全晚最正常既食物都算係佢架喇.......
講真我地成晚真係食得唔多野, 我地2個女仔既胃口實在太細喇, 食得勁少野, 埋單八百蚊但食得三百令蚊既份量同質素, 我諗我地都唔會再幫趁......
Post