川燒 (Closed)

中伏！中伏！又一次中伏，睇完大台電視節目，見D主持食到好好味咁，今日突登去試下。我非常失望。坦白講，串燒呀，燒海鮮呢類嘢，係好多都好好味，但呢間真係唔得。最可以接受係燒大虎蝦，完隻大虎蝦上面好像有滿滿嘅蛋黃醬，非常野味。其他如豚肉荔枝燒，燒蟶子等，上枱都唔夠熱，味道一般。豚肉唔夠香，荔枝又唔係酸酸甜甜。最後個麻辣鐵板芝士公仔面，就係個味道唔太妥當，無麻，只有小小辣，芝士又唔太配合。真心失望，街檔做串燒總係予人好有風味嘅感覺，但今次真係唔妥，而且價錢唔平。唯獨係員工服務還可以。