壹．咖啡店 (Closed)

依幾個星期小小豬都要去油麻地上興趣班，一上就嚟個半鐘，天寒地凍緊係唔好係街流連，所以就近近地係附近嘅餐廳食個下午茶餐啦~ 其實一踏入餐廳時，都有一點點驚喜，因為佢地入面嘅佈置都幾特別，有一種懷舊嘅氣氛，都幾特別呀~我地叫左兩SET下午茶之後，先嚟兩杯飲品啦~老公嘅賓尼迪蛋火腿厚多士~老公話味道麻麻，佢嗰一個酸醋味都幾濃，食完整SET下午茶之後都勁口渴呀！我呢？當老公完全KO左佢SET之後，我仲等左好耐都未到，最後忍唔住問個職員。原來我所ORDER嘅雪糕窩夫嘅窩夫壞左，點解過左成大半個鐘仲要係我問先通知，真係有點兒.......嬲嬲地。為左唔洗等咁耐，所以我只係簡單咁叫左件Tiramisu就算了~味道真係勁麻麻，完全冇Tiramisu應有嘅香味同味道，勁淡身，真係有點失望！