叫左一個定食同一個初吻sushi，個定食未黎店員已經話無哂三文魚，只好改做吞拿魚，都算喇，無都無辦法，但個定食黎到之後，先發現完全貨不對辦，個定食明明係話有中華沙律，但結果得兩舊蘋果，仲要係正宗大陸入口富士蘋果，個定食炒雜菜一大堆，個飯只得半碗份量，味噌湯一世人第一次飲到咁難食既味噌湯。
不過寫食評係唔應該俾憤怒蓋過事實，雖然個定食真係令我失望到無野講，但個初吻sushi真係唔錯，可見設計者既心思，青瓜既味道同芒果既味道好新鮮，真係好有初吻既味道。
如果你問我呢間日末餐廳抵唔抵，值唔值值黎食，我只可以話無得選擇既時候咩都係咁好食，要唔要黎試下，請自行決定。
