Thai Kam Heung Thai Food

今日因為公事要經開鰂魚涌，做完嘢可以早走，今日就同朋友食咗間泰國野。間舖頭的老闆和老闆娘好熟口面。原來他們只是在灣仔某間大型泰國菜做樓面，怪不得咁熟口面啦！因為我之前喺灣仔返工。原來而家同老公開咗間小店係鰂魚涌。老闆娘同我講，原來佢老公之前喺好多大型泰國餐館做主廚。啲嘢食真係好好食，佢仲同我講，以前個老闆係咁留佢地，如果唔係佢哋自己出嚟開，佢話之前嗰間的老闆都唔會俾佢去其他餐廳做。

個咖喱汁真係好香，值得一試

呢個船麵好地道，真係食到係泰國街邊檔的口味，好食過好多出面專食泰國船河的專門店。

因為間鋪啲嘢太好食，忍唔住買多個炒飯今晚做宵夜，個炒飯炒得好香。
老闆對每一碟送好有要求，每一道都是即整即做。而老闆娘就負責飲品甜品。
夫妻檔咁樣做，真係食得出泰國地道餐館的口味。