Video
Read full review
2007-12-26
538 views
25 DEC 07 6:15PM-10:00PM今晚約左幾個朋友+2個小朋友一齊去BBQ 其中一對夫婦+2個小朋友未到6點半就到了~ 但係有個似經理既男人安排左佢地坐一張很暗無咩燈光位置既枱男性朋友要求過轉枱 但係呢個男人唔肯話所以位都book左無得轉~但係又比男性朋友睇到有人walk in 佢都即刻安排到位比佢地我地3個女仔一齊係6點8左右到當時只係4成滿天開始黑我地張枱係黑到咩都睇唔到當時仲有好多吉枱 (如圖)我頂唔順我地又早黎而且仲有枱可以比我地換所以走到同個似經理既男人講要轉枱 點知... 呢個四眼黑黑瘦瘦既男人第一句就好無禮貌指手劃腳用鬧交既語氣同我講: 最光係你張枱! bbq係圍住個爐張枱黑都唔關事!!我當堂火都黎埋因為佢當時語氣實在係太無禮貌我同佢講:你貴姓叫你經理出黎佢話: 我就係經理我話: 咁叫你老細出黎佢又話: 我就係老細!!之後仲追住我黎鬧我話佢無禮貌佢竟然鬧番我無禮貌我真係好火滾我要影佢既罪證因為當時就係有好多吉位可以安排轉枱!!!我四圍影呢個無禮貌既男人見到竟然影番我相我同佢理論佢仲話番我唔可以係度影相叫我唔好影!!你邊度寫明唔比客人影相!!
今晚約左幾個朋友+2個小朋友一齊去BBQ
其中一對夫婦+2個小朋友未到6點半就到了~ 但係有個似經理既男人安排左佢地坐一張很暗無咩燈光位置既枱
男性朋友要求過轉枱 但係呢個男人唔肯話所以位都book左無得轉~
但係又比男性朋友睇到有人walk in 佢都即刻安排到位比佢地
我地3個女仔一齊係6點8左右到當時只係4成滿
天開始黑我地張枱係黑到咩都睇唔到當時仲有好多吉枱 (如圖)
我頂唔順我地又早黎而且仲有枱可以比我地換
所以走到同個似經理既男人講要轉枱 點知...
呢個四眼黑黑瘦瘦既男人第一句就好無禮貌指手劃腳用鬧交既語氣同我講: 最光係你張枱! bbq係圍住個爐張枱黑都唔關事!!
我當堂火都黎埋因為佢當時語氣實在係太無禮貌
我同佢講:你貴姓叫你經理出黎
佢話: 我就係經理
我話: 咁叫你老細出黎
佢又話: 我就係老細!!
之後仲追住我黎鬧我話佢無禮貌佢竟然鬧番我無禮貌
我真係好火滾我要影佢既罪證因為當時就係有好多吉位可以安排轉枱!!!
我四圍影呢個無禮貌既男人見到竟然影番我相我同佢理論佢仲話番我唔可以係度影相叫我唔好影!!
你邊度寫明唔比客人影相!! 我條氣真係好谷住谷住
但有2個小朋友係度我唔可以同佢嘈怕嚇親佢地
真係忍得好辛苦
最後連其中一位女朋友都忍唔住問佢講夠未!! 佢仲一輪咀鬧緊我!!!
男性朋友都忍唔住叫佢尊重下D客!!
我唔想再同佢嘈一來X"mas 唔想為左呢D衰人唔開心
又有2個天真無邪既小朋友係度我頭半個鐘真係忍得好辛苦
不停同自己講:有小朋友係度唔好鬧人唔好同人開拖
但係我個刻已經決定要投訴呢個男人
10點左右我地都要走了~
我同其中一位女友人未走住因為我地要投訴個男人
朋友們走左之後我同女友人落去行左一陣再番上去搵餐廳負責人~
有個四眼著得好斯文既男人成晚坐係收銀度我地已經認定佢係老細
我地決定入去坐底叫2支beer 叫Waiter請負責人出黎~
點知...原來呢個收銀男仕同個無禮貌男人係partner 個waiter搵既負責人亦都係呢個無禮貌男人
所以當時我地已經決定係度投訴唔到就去周刊投訴!!!
過左一陣呢個收銀四眼男人行過黎請我地飲2支beer 同我地say sorry
話佢地係partner 唔方便話佢話佢性格細路叫我地唔好理佢
女友人即刻話: 佢個樣我唔信佢仲係細路囉~
我同佢講佢影左我相而且惡形惡相我怕我有咩危險
佢即刻比左佢自己張咭片我仲話保證一定唔會有咩事發生原來呢位斯文又有禮貌既男老闆姓吳
吳先生話有咩事可以搵佢.. 佢真係好好禮貌亦都令我地覺得佢好尊重客人所以同佢講我地唔追究
之後吳先生仲即刻落去買左包熱浪請我地食仲再比送2支beer~
我地唔係貪小便宜2支beer我地無要到不過咁既服務態度先係正路!! 做老闆要尊重客人基本對客既禮貌都無仲用粗口鬧客人咁做生意遲早執
最衰係影響埋原本唔關事又尊重客人既partner!!
吳先生再三同我地say sorry 我地度氣比佢下左
亦都同佢講我地唔再追究
如果唔係吳先生的禮貌和真誠道歉
我一定會搵周刊投訴!!
平心而論如果當時呢個無禮貌既男人只要有禮貌些同我解釋我是一定會樂意接愛的
而唔係用粗口鬧客人我同佢理論佢竟然仲反過來追住個客人鬧!
太過份了!! 太不尊重客人!! 要客人來貼錢買難受!!
如果一日仲有呢個男人係度我一定一定唔會再去!!
環境時不錯的食物一般而且我亦食過比這裹更一般的BBQ場地
我不忿的是這位姓童/佟無禮貌又不尊重客人的男人!!!!
Post
