Video
Read full review
2012-08-08
216 views
因為屋企人呢到好食~於是我地今日一行5人飲午茶~我地一去到洗杯、點野食~之後我地就等野食~我地點了:1)鮮竹卷: 呢個個湯真係有鮑汁味~唔錯~~!2)鳳爪排骨飯: 排骨肉質霉, 不太討好…3)芝士蝦伊麵: 個芝士味道唔錯~不過差唔多$90一碟~份量不太多4)煎藕餅: 呢個煎得好香~好乾身~~而且好香藕味~!5)水煮魚: 呢個屋企人話好好味~因為d魚整得好滑~!!! 而且好足料~~不過今次食好多骨~佢地話上次食冇咁多骨~6)粉果: 不過不失的粉果~!7)蒜蓉蒸牛柏葉: 蒸得好入味同好爽~!!8)錦花雞: 呢個油左d~~我地由第一味食到第七味~~一直都希望有人可以幫我地添水…但原來到左佢地食飯時間…成個樓面得一個人睇~~期間我地見到另一個侍應生行過~我:「唔該~可唔可以幫我地加d水呀?」她:「唔得~而家食飯時間」於是我地等到第7味上菜的傳菜亞姐見到…亞姐都忍唔住…傳菜亞姐:「幫手加d水丫~」唯一的侍應生:「我已經忙到死喇~等陣啦!!!」於是我地等到員工午膳完畢先可以有水飲……………………………(今次我上載的相, 都依時間上載, 我都將茶壺攝埋入鏡)另外到賣單仲精彩…我地有d點心係11:00
我地一去到洗杯、點野食~之後我地就等野食~
我地點了:
1)鮮竹卷: 呢個個湯真係有鮑汁味~唔錯~~!
2)鳳爪排骨飯: 排骨肉質霉, 不太討好…
3)芝士蝦伊麵: 個芝士味道唔錯~不過差唔多$90一碟~份量不太多
4)煎藕餅: 呢個煎得好香~好乾身~~而且好香藕味~!
5)水煮魚: 呢個屋企人話好好味~因為d魚整得好滑~!!! 而且好足料~~不過今次食好多骨~佢地話上次食冇咁多骨~
6)粉果: 不過不失的粉果~!
7)蒜蓉蒸牛柏葉: 蒸得好入味同好爽~!!
8)錦花雞: 呢個油左d~~
我地由第一味食到第七味~~一直都希望有人可以幫我地添水…但原來到左佢地食飯時間…成個樓面得一個人睇~~期間我地見到另一個侍應生行過~
我:「唔該~可唔可以幫我地加d水呀?」
她:「唔得~而家食飯時間」
於是我地等到第7味上菜的傳菜亞姐見到…亞姐都忍唔住…
傳菜亞姐:「幫手加d水丫~」
唯一的侍應生:「我已經忙到死喇~等陣啦!!!」
於是我地等到員工午膳完畢先可以有水飲……………………………
(今次我上載的相, 都依時間上載, 我都將茶壺攝埋入鏡)
另外到賣單仲精彩…
我地有d點心係11:00前落單的早茶優惠~
佢地都講明係計「入單時間」
佢俾張單我睇就話「$483」
咁我就俾張creditcard佢~
點知到佢返黎時~佢同我碌左「$491」
佢話之前張所有點心計左早茶~~而家呢張呢係午市單~
我:「點解3個早茶點心~兩個計、一個唔計早茶…」
佢:「計曬啦~係咁ga!」
我:「但點解你唔同我解釋左之前計錯數先碌卡?」
佢:「…………………..」
我:「你係咪都係解釋唔到早茶點心的計法?」
佢:「係咁ga!最多我幫你問下收銀」
我:「唔駛喇~問完都係講緊差幾蚊的事…我都趕住返工…但我覺得你地好唔老實…仲唔講清楚就碌我張卡」
其實憑良心講, 呢到的食物水準唔錯~想食一d有水準的點心~的確係一個好選擇..但佢地收得加一服務費…但完全冇服務…去飲茶但冇茶飲~叫幾次都唔添水….我都明白你地有食飯時間…你地都會餓~但會唔會可以有更好的安排, 令到員工有飯食的同時, 又唔會令客人冇水飲呢??你係由開始食....到食到最後一個點心先有第一次加水...... 即使我去再廉價d~~或者再高級d的地方~都唔會有呢個情況….希望佢地真係有改善…
另外, 就係收錢的問題…奉勸大家, 記住check單~如果可以就自己埋櫃台睇清楚條數…如果唔係佢地又可以會先碌你卡~再話你聽計錯數!!!!!
Post
