桜

Open Now

Now Closed

下午無食野，於是到向來係覓食好地方嘅太安樓度食D小食。呢間手卷店好似係開左無幾耐，去到嗰時出面都有幾個人排緊隊，我見手卷款式多，賣二十幾三十元一個，幾抵食就決定買來試下。除左手卷之外，呢度仲有其他小食同井飯。我買左個海膽三文魚手卷同赤海蝦帶子手卷。海膽三文魚手卷好足料，海膽同三文魚都好大塊。海膽無腥味兼幾清甜、三文魚都好新鮮肥美！赤海蝦帶子手卷嘅帶子大粒又鮮甜，赤海蝦口感都好爽滑！呢間手卷店用料新鮮又足料，價錢實惠，下次會再來買！