Owl’s Stage (Closed)

星期日同朋友上去深水埗嘉頓山, 之後去美荷樓逛逛, 夜晚同朋友去太子搵左間餐廳食飯。餐廳以貓頭鷹為主題, 擺放多款貓頭鷹擺設和掛畫, 設計幾有特色, 用餐環境幾舒適。我哋叫左澳洲特級肉眼扒, 配菜有牛油椰菜花和四季豆, 牛扒外層煎到有啲焦香, 肉質軟腍牛味濃, 食落好juicy。蝦膏蟹膏肉車厘茄意粉, 蟹膏味道濃郁, 意粉好彈牙，掛滿醬汁好creamy。我哋另外叫左款小食, 酥炸墨魚仔炸得香脆可口, 食落好彈牙。餐廳氣氛幾好, 好啱同朋友黎食飯傾計。