青花亭 (Closed)

閒日經過太子，終於嚟咗Bookmark已久嘅青花亭～！ 一向好鍾意Fusion嘢，呢間店無論裝修定食物，都結合唔同嘅異國元素～ 好似店內有好多中式傳統青花瓷磚牆、格心欞花，又有地中海嘅白拱門等，睇上去好別緻，影相打卡唔錯！ 📸 既有中式嘅青花瓷元素，亦有地中海拱門設計，充滿異國風情。 餐廳內沒有大片連儂牆，卻有一隻隻寫滿心聲嘅紙鶴。至於食物，呢邊感覺有種聯合國feel，想食西餐，可以試佢哋招牌嘅墨魚汁意粉；想食中餐，佢哋連黯然銷魂飯都有揀；至於健康餐單，仲有澳紐式嘅Yogurt Bowl等等，選擇多多，唔難揀到啱心水嘅美食。在咁多款美食之中，我至愛係佢哋嘅「水清沙幼洗乜坐飛機」Yogurt Bowl，同我去澳洲時食到嘅無咩分別，佢乳酪加蝶豆花，整成海浪色，加埋莓果、乾橙同穀麥，凍冰冰，酸酸甜甜咁幾好味。 墨魚汁海蝦麵 HK$118   其次墨魚汁海蝦麵，我覺得呢度墨魚汁處理，以香港嚟講算幾好，蒜香濃鬱，零腥味（香港食過好多都有微腥味），捲一團上嚟，掛汁豐厚， 唔會乾爭爭，擠啲檸檬汁，食上口好惹味！不過我覺得隻大蝦就烤得乾咗少少，有啲嚡口，有點敗筆。 豬頸肉蔥油飯 HK$118