位置於太子站出口行走5分鐘 超級方便 附近仲有咪錶位
估唔到平日夜晚都咁多人食點心🥰全場滿座
打開張點心紙 心諗今次大獲 樣樣都想食😂
🍄春風得意腸（$38）
呢個直頭係舖頭既名物 差不多枱枱都會點☺️
腸粉皮包住網狀春卷 春卷餡料有鮮蝦、椰菜、芫荽等
好有口感之餘 味道層次都好豐富🤍🤍🤍
🍄千島醬脆皮蘿白榚（$30）
另一個好熱門既菜式就係蘿白榚😌😌
因為蘿白榚炸完之後有千島醬同木魚碎係面
入口好似食緊大阪燒咁 好有日式風味🇯🇵
冇諗過呢兩者可以咁夾 有驚喜😚
🍄牛肝菌燉瘦肉（$34）
肉眼睇到湯頭既色水 都知係好夠火喉既燉湯
好濃郁嘅牛肝菌香氣 如果有多d湯渣就好喇😆
🍄原籠香菇章魚飯（$38）
荷葉蒸章魚肉餅飯 份量超級多
一個人食一定會飽哂 整體不過不失👍🏻
🍄懷舊香菇燒賣（$28）
粒粒香菇大小適中 好有咬口 唔會太多肥豬肉
最緊要係夠曬熱辣辣🥰
🍄灌湯京滬小籠包（$26）
好食既小籠包不外乎要皮薄多汁💦
呢間雖然個皮唔算係食過既最薄 比較適中
但係d湯汁就好多 爆汁好正🔥🔥
