Video
Read full review
2021-11-19
4982 views
整體食物同埋室內環境設計都唔錯。但因為實在太多人令到整體感覺唔好。當然，食食吓飯嘅時候有隻大概2cm大嘅曱甴係你坐緊嗰張凳爬過嘅時候，整體感覺變得非常差. 未到6:30 ，閑日，已經有幾十人開始排隊準備入場。搭正6:30 ，好似跑馬開閘咁樣，啲人群擁入去。入到去啲人當然就要排隊攞嘢食啦。凍海鮮，刺身，同埋鵝肝係長期有人排隊。係去到大概8:30打後至九點先至唔使點樣排隊。但到咗呢個時候，魚生有一部份已經冇供應，甜品亦都差不多搶掠一空。甜品食完就冇㗎啦。冇得不停refill. 應該係話佢之前有refill嘅，但當冇咗人群之後，啲嘢已經食晒，廚房亦都冇貨可以refill啦。所以一係你就8:30之前去搶，如果唔係就冇得食. 雖然要搶嘢食係一個好差嘅經驗，但食物嘅味道唔錯嘅。亦都有一啲比較貴價嘅食物例如花膠，生蠔，鵝肝，芝士焗龍蝦。麵包蟹都出過好幾次，但真係要好好彩夾啱時間你先至可以攞到蟹蓋。牆腳蟹非常之瘦，根本冇肉食。唔好浪費你嘅時間同力氣剪開啲蟹殼. 煎鴨肝個師傅不停咁一分為二，二分為四，最後食到嘅大概會有一個$5銀咁大，如果運氣好，可能嗰一輪師傅冇切開咁多件，可以比$5銀大啲。每人每次只限
未到6:30 ，閑日，已經有幾十人開始排隊準備入場。搭正6:30 ，好似跑馬開閘咁樣，啲人群擁入去。入到去啲人當然就要排隊攞嘢食啦。凍海鮮，刺身，同埋鵝肝係長期有人排隊。係去到大概8:30打後至九點先至唔使點樣排隊。但到咗呢個時候，魚生有一部份已經冇供應，甜品亦都差不多搶掠一空。甜品食完就冇㗎啦。冇得不停refill. 應該係話佢之前有refill嘅，但當冇咗人群之後，啲嘢已經食晒，廚房亦都冇貨可以refill啦。所以一係你就8:30之前去搶，如果唔係就冇得食.
雖然要搶嘢食係一個好差嘅經驗，但食物嘅味道唔錯嘅。亦都有一啲比較貴價嘅食物例如花膠，生蠔，鵝肝，芝士焗龍蝦。麵包蟹都出過好幾次，但真係要好好彩夾啱時間你先至可以攞到蟹蓋。
牆腳蟹非常之瘦，根本冇肉食。唔好浪費你嘅時間同力氣剪開啲蟹殼.
煎鴨肝個師傅不停咁一分為二，二分為四，最後食到嘅大概會有一個$5銀咁大，如果運氣好，可能嗰一輪師傅冇切開咁多件，可以比$5銀大啲。每人每次只限攞一件。仲要排長龍。好晒時間，但只可以攞到$5銀咁大嘅鴨肝。
焗龍蝦同埋焗扇貝都係一個非常之搶手嘅食物。基本上一出就冇。真係瞬間即逝，你只會見佢出現喺個盤大概10秒，然之後就會俾人夾晒。然之後又要等幾個字之後先至會再出。味道方面一般啦。龍蝦肉質比較實。冇咩味。
魚生刺身，都有好多款。但係頭嗰兩個鐘都係不停有一條好長嘅路，所以冇去排隊。到唔使排隊嘅時候油甘魚已經冇晒啦。都係果句啦，想食就去排隊，如果唔係冇得食。
生蠔係鮮甜好味嘅。不過長期有人龍。每次只限攞三隻。所以好嘥時間。
羊假架有時非常生有時啱啱好，睇自己運氣。不過都好味嘅如果佢唔太散嘅話。
到全晚最大驚喜或者驚嚇嘅環節就係食食吓飯，你坐緊嗰張凳有一隻大概兩cm大嘅曱甴行緊。頓時驚到大嗌到嗌唔出聲，成個人彈起。嚇到隔離枱位小姐添。職員應該都知道大獲㗎啦，好快成張凳搬走當冇事發生。嗰陣時其實都已經食緊甜品啦，我哋亦都冇再追究，因為已經食到好飽。如果一開始就見到嘅話會影響食慾。係呢一方面我覺得酒店可以做好少少，話晒喺餐廳中間一啲咁人來人往，咁開陽嘅地方，有咁大隻曱甴經過。佢哋嘅清潔係咪可以做好啲呢？但係酒店冇人同我哋講個唔好意思。不過都係嘅，可以講啲咩啊。梗係當咩事都冇發生過啦唔通叫我哋call食環處咩。
Post
