芝加哥串燒酒場 (太和中心)

Open Now

Now Closed

知道太和有間可以一邊食串燒一邊睇波嘅酒場，今日就專登嚟到試下，坐落去個環境其實唔錯，咁啱我坐喺電視對面，場足球比賽由頭睇到落尾，場內播住流行嘅熱門音樂，氣氛十分唔錯。我哋嗌咗兩杯KIRIN frozen beer，介紹嗰陣佢哋話係用沙冰做面，飲落去嘅時候，沙冰綿密到好似泡咁，唔會話咬到冰粒，時間耐咗都唔會有減退跡象，比起波沬面更加好飲。點咗黑加侖子味同桂花味，都唔會太甜，而且易入口，對於唔係太過飲酒嘅我黎講，都好易飲。值得一提既係香蔥燒扇貝，兩粒大扇貝鋪滿香蔥燒，蔥油香濃厚，有一口帶子就食到蔥油味，十分好食。魚類嗌咗條石斑同三文魚鰭。石斑表皮稍脆，內裏肉質燒得嫩滑，留有肉汁，提提大家石斑會有碎骨，宜慢慢食。 三文魚鰭值得一讚，外脆內軟，而且啖啖肉，十分惹味。仲嗌咗各款雞肉牛肉類，有唔同既調味，肉質易咬。佢地係即叫即燒，啲野上枱係岩岩出爐熱滕滕，可以一串一串慢慢食，一邊傾計同睇波。