Black Bear

Open Now

Now Closed

無意中喺太古城搵到呢間喫茶店！ 以黑熊做主題，配合燈光、木系裝修、黑熊掛畫，好有和暖感覺，輕鬆舒服！見隔離枱嘅芭菲好吸引，馬上決定留肚食甜品！輕盈、飽肚之選🥗煙三文魚牛油果沙律配胡麻醬牛油果熟度剛好，口感軟熟幼滑。沙律菜新鮮爽甜，伴上花型煙三文魚，濃香煙薰魚油香味。胡麻醬可另上，夠細心！🥢鰻魚飯定食配菜有合桃魚仔、麵豉湯。鰻魚燒得香口，厚肉肥美，肉質實淨彈滑，鰻魚汁甜度恰到好處。🖤🐻黑熊特飲凍americano入口nutty，上面咖啡軟雪糕香滑綿綿，味道double 滿足！ 🌱班蘭拿鐵第一次飲班蘭latte，奶泡打得香滑，班蘭味好天然，入口柔滑清香。 第二個胃食甜品啦！ 🍦香蕉香桃乳酪芭菲由乳酪雪糕、香蕉、香桃、藍莓、燕麥、粟米片砌成。配料多，賣相吸引。乳酪雪糕細滑柔軟，酸甜度配襯鮮果剛好平衡味道😻 💚開心果麻糬卷蛋喺關注組見過推介，卷蛋質感香滑，開心果味濃厚，麻糬軟軟糯糯，值得一試！