洋一居食屋 (Closed)

(勁方專訊) 勁方近日接獲市民舉報，發現有某教父，帶同其三名馬仔，齊齊出沒於九龍城某日式食肆。該名市民指，該名教父甫坐下，就豪氣地叫了三客三文魚刺身，以及一連串的食物：三文魚刺身 – 據報魚肉豐腴鮮美，新鮮非常，好味！海膽壽司 – 壽司飯夠圓潤、紫菜也夠脆，只是海膽不太夠鮮甜；不過，不排除原因係，有人去西班牙食完即開海膽，其他唔係即開的海膽即時睇唔上眼。子牛柳炭火燒 – 其實牛柳都幾嫩滑，而配上蘿蔔蓉使味道更清甜；可惜，未知是因為蘿蔔蓉太墟陷定牛柳本身的問題，食了兩件，都唔多覺牛柳味；呢單case要交俾失踪人口部查辦。咖喱豬扒飯 – 咖喱汁夠多，又香又濃，辣中帶甜；豬扒炸得也夠香脆，配上圓潤飯粒，味道好得不得了。豬柳蝦卷 – 豬柳嫩滑而肉汁豐富，卷在裏面的鮮蝦爽脆鮮美，據報是天衣無縫的無敵組合；目擊者指出，在座一人食完一串之後，仲要encore多一客香草雜菌扇貝 – 同是每人一客；牛油味和雜菌味，加上點點的香草調味，效果非常香，也非常美味；不過也因此搶盡了扇貝的風頭；不如直接改做香草烤雜菌，會更精采！目擊者稱，呢位教父同佢班馬仔狂風掃落葉式地掃晒枱面的美食，一粒米都冇剩後，登上一架的士