靜．喬

Open Now

Now Closed

呢間位於沙田商業大廈嘅咖啡店，裝修十分岀色。未入店內，喺走廊行真係唔覺得有咩特別，甚至覺得自己係咪揾錯地方，大廈入面會有空間咁大，高樓底嘅cafe？揾到位置之後，一打開門，忍唔住嘩咗一聲，感覺好似打開咗隨意門，一瞬間去咗日本咁，佢嘅設計仿照日本京都町屋同和室裝潢，全店都以木材為主，木材傢俬同裝修，仲有一個2樓小閣樓，可以坐喺上面嘅他他咪再俯視四周，打卡一流📸 而佢啲嘢食都係輕食為主，應該係訂貨嘅而唔係自己整，價錢唔算貴，作為一個漫活下午嘅茶點亦不錯～去之前記得預約喔，可能好full booking的～✎ NYC Cheese Tart 芝士味濃，入口即溶。✎ Chicken Pie 入面多雞肉粒，味道都ok，似Starbucks 個款～✎ Ice Milktea Bottle 重奶茶味，幾好飲！✎ Ice Coffee Bottle 味道似罐裝雀巢咖啡～