HARA

話說天氣最凍果日得果7-8度走咗去呢間餐廳食午餐。

入到去坐低咗一陣，發現好凍，因為佢哋係宗門大開，如果平時唔係咁凍嘅日子，應該都係開陽舒服嘅。但係嗰日實在太凍，我問侍應餐廳其實有冇暖風設備，侍應回答話冇嘅。我又坐低咗等緊朋友嚟，所以唔好意思走。結果食咗一個鐘頭飯，凍到頭都痛埋。
我覺得係呢啲日子，如果你冇暖風嘅，不如真係唔好開舖🥶全間餐廳有幾枱客，我見個個都凍到騰騰震。

叫咗三個午餐，價錢唔算平，不過環境尚算坐得舒服。擺盤都算精致，不過味道確實冇乜特別。其中一個炸豬扒湯烏冬，湯係冇味嘅，豬扒亦都唔炸得特別好食。另外一個紅蝦魚生飯，實在太少飯，兩三啖食晒。