吃茶三千 (太古廣場)

Open Now

Now Closed

阿囡最鍾意飲吃茶三千嘅鳳來蜜冰茶，因為鳳來系列係每到夏天嘅期間限定！鳳來蜜冰茶由台灣金鑽鳳梨製成嘅果肉及當季百花香蜜調製。其實阿女平日唔係太鍾意飲茶，不過佢嘅水仙桂花茶底，而且帶有淡淡花香，解渴得來又有口感，清涼解膩，真係啱晒炎炎夏日。至於我就至鍾意佢哋嘅國王珍珠奶茶，個茶底係用萃茶機現萃茶葉而成，所以茶飲值得等待，茶香濃郁醇厚，口感絲滑順喉，甜度調配得恰到好處。不過我最鍾意係佢哋珍珠，粒粒飽滿圓潤，咬下時彈牙又有韌性，且甜度均勻滲透其中，每一啖都充滿層次感。特別公司樓下、太古廣場嘅吃茶三千，店舖光猛，而且人手充足，即使平日下午多人叫下午茶都唔會等太耐，而且員工服務周到。而家仲要特別設計嘅旋轉木馬紙杯，阿囡可以邊飲邊轉。