牛大人台灣火鍋吃到飽 (加拿芬廣場)

Open Now

Now Closed

天氣一凍，第一時間就會諗起打邊爐啦~ 今日難得放半日，即刻的埋同事去尖沙咀打邊爐去。今次去既係加拿芬廣場2樓好有名氣既牛大人台灣火鍋吃到飽，出到𨋢已經幾十個人係度排緊隊，本住越多人排應該越好食既心態，排左大概半個鐘終於入到去食了。為左慶祝自己工作多日嘅辛勞，所以我哋都點左最貴嘅極上和牛套餐。一入到去，就見到舖頭格局劃分左個幾個區，醬料，丸，同各種食物都好井然有序咁放咗喺同一個區，而飲料區就喺食物區嘅對面，除咗有我最愛嘅桂花烏龍外，仲有洛神花茶、菊花普洱同白桃烏龍等等。而極上和牛套餐最大嘅特色當然就係M5 和牛牛肩肉，仲有好多唔同嘅肉類，而我個人最喜愛的就係鹽酥雞，炸粉唔多之餘椒鹽份量落得啱啱好。 上菜速度可以接受， 90分鐘任食算係綽綽有餘。