i CREMERiA Café (Closed)

約咗朋友喺旺角，因為佢話想食蛋糕，自然去咗朗豪坊，呢間野嘅蛋糕佢聽聞好食（我聽都未聽過），但真心覺得貴，不過佢請我食，so money is not a problem la.

呢個蛋糕 $68。唔知你覺得如何？ “好食咪得囉，有幾何啊，又唔係餐餐食！咪咁孤寒喇” 恭喜你，你好切合香港呢個高度崇尚消費主義嘅社會。

其實我打咁多嘮叨字都只係為咗湊夠 200 字可以加笑臉。

冇錯，係笑臉。

呢個蛋糕係放喺一個硬咭紙盒內，有別於一般餅店嘅軟咭紙盒，分別在於。。 精美高貴d，無咁容易壓爛入面件餅囉。仲有一個靚靚嘅紙袋載住，朋友話包裝都值 1 蚊，我話 10 蚊都喺包裝上。

冇喺餅舖範圍內食，走咗去以前MOS burger 嘅室外空間，舒適自在。

打開包裝：

好食，特別係忌廉，但貴，貴，貴

$68

放入口，好味。

特別好嘅地方：表面同內裡包住嘅忌廉鮮美，呢個應該係呢間餅舖嘅賣點（？），表面嘅薄脆口感唔錯。其他例如蛋糕本身或者上面粒士多啤梨就普通貨色。

整體好味。

同場加影同係朗豪坊而且係同一層嘅 Italian Tomato 🍅 買返黎價值 40 蚊嘅士多啤梨蛋糕（唔打算為佢另寫食評），確係明顯被比下去。

只用來比較

結論：貴。好食程度不致於我會花68蚊嚟再食一次。當然，個個人嘅喜好都唔同。