.
天后水星街既蠔灣雖然地方唔算太大但裝修有小心思，店員可以同客人好close咁進行交流。坐低一陣店員已經好熱情查問我地既喜好，再進行時令生蠔推介。作為只愛吃既行外人，當然一切交由餐廳發辦，我地負責安心吃就可以了。
.
堂食同之前試過既外賣拼盤一樣咁靚，有埋燈帶打卡一流。生蠔即叫即開所以都稍為等左一陣。跟番店員推薦既次序，先試刺生再吃生蠔，口味由清淡到濃郁一款款品嚐：
.
海鮮盤刺身類🦞
紐西蘭深海龍蝦仔 Grade 1💲98
深海龍蝦仔外貌同味道都有少少似係King Size既杜丹蝦，超大型有成隻手掌咁大。口感鮮甜軟糯，連個蝦頭都一樣咁好味。呢隻龍蝦仔刺身為今日既海鮮盛宴揭開一個令人驚艷既序幕。
.
北海道帶子 💲38
第二款試大粒帶子，肉厚鮮甜。
北海道活赤貝 💲78
活赤貝如預料一樣大隻口感彈牙，
.
海鮮盤生蠔類🦪🦪
Speciales Lambert N1 💲52
聽店員推介時話餐廳主要以法國內唔同產地既生蠔為主，自己都有拎住餐牌上網再做少少功課睇下今晚食左咩生蠔。第一款試既法國林柏特蠔，礦物味幾豐富，爽身型，肉質鮮甜。
.
Krystale 💲42
呢款法國諾曼第水晶蠔相對第一款再薄身少少，口感都係屬於爽脆型但海水味更濃。個人就好喜歡呢種質感既生蠔。
.
La Perle Noire 💲42
嘩嘩，呢款法國黑珍珠蠔肉質非常之飽滿，係大大隻厚肉版本。味道偏濃，先食到海水鹹味，之後會食到蠔個種獨有既鮮甜，大愛！
.
Gillardeau N2💲42
法國吉拉多生蠔，網介話呢款係石蠔界既極品，有「蠔中勞斯萊斯」之稱，係蠔界既一哥。呢款感覺同La Perle Noire一樣都係屬於肉質厚肥味風味更濃郁既系列，感覺更為結實有彈性。一樣係大愛既款式！
.
Belon 00💲48
最後試既法國貝隆生蠔外表同前面既有少少唔同，外表圓碌碌有少少似扇貝。細細隻肉屬於薄薄爽身個類，被譽為蠔中之王既佢金屬味同海水味好強烈，難怪放到最後一款先食。
.
熱食
清酒蒜蓉煮活蜆湯 💲238
初初仲抱少少懷疑覺得呢款熱食好似稍貴，不過一場黎到堂食都一於試一下呢款推薦菜，但一食就覺得其實值回票價👍🏻。餐廳標榜用大隻既活蜆，滿滿一碗隻隻肉厚鮮甜。清酒蒜蓉湯底帶微微既酒香同香滑既牛油味，配上少少香口芹菜好快就連個湯底都飲埋。
.
龍蝦忌廉意粉 💲198
怕單吃刺身海鮮唔夠飽所以叫左一碟龍蝦意粉作結。超足料龍蝦膏同肉都好多，龍蝦肉鮮甜彈牙，新鮮熱辣上檯被我地秒速清碟。
.
總結：全晚既海鮮無小評我一律俾⭐️5/5星滿分，一次過食到咁多款唔同法國產地既生蠔同鮮甜刺身真係超大滿足。難得既係第一次試埋佢地既熱食，同樣地精彩性價比一樣高。加上店員熱情有禮，對我地呢班門外漢不厭其煩既介紹，滿推之店。店員話佢地仲有美食車周末係大埔出末提供生蠔、意粉等熱食。睇相見有一個好舒適既露天用餐區，唔係淨係做外賣，住附近既朋友間唔中同家人朋友Chill一下都確實唔錯。
.
