天后清風街10號清風大廈地舖
放假同閨蜜在天后覓食，揀來揀去見到燒肉屋，＄298 榴槤加燒肉放題，價錢吸引。佈置好有居酒屋feel，可以chill 吓。
店舖雖然細細地，但可以坐定定等食物送上，專心密密食密密傾。重點中之重點係榴槤！香甜軟滑，無限供應就已經贏晒。
各種前菜/豚/牛/雞/炸物/蔬菜多選擇，再加爽脆白鳝片，蒜虎蝦，蒜蓉牛油烤帆立具，和牛M7 牛板腱，豐富好味到呢！每次落單1件(牛舌就3件)，最適合選擇困難又眼濶肚窄為食鬼！飲品有啤酒，汽水，解茶，最推介酸酸地梅酒，飲到停不了口呀！
嘆完哈仔朱古力雪糕及Dreyers 芒果雪糕之後，店員阿星又細心推介貓山王榴槤醬燒薄餅，點捨得唔試！
最後得店員阿Wing 提醒影張靚相。多謝阿Wing 令我終於有42”長腿👏
