餐廳裝修風格比較傳統 而大坑比較摩登
電視都播緊印度節目/片段 好似真係去左旅行咁😛
餐牌同大坑分店差不多 價錢有啲仲平啲添！
而呢間座位都多啲同闊落啲～
前菜部分同上次係大坑食一樣
都係有兩大塊印度薄脆同四款醬
今次店員就有同我地介紹每一隻醬
黃色蒜蓉 橙色辣椒 綠色薄荷 紅色甜酸
而味道上都有少少唔同
今次辣椒就辣好多🌶 蒜蓉就最好食👍🏻
呢個奶油咖喱雞塊係喺推介個頁搵到
比一般配雞嘅咖喱貴$10
個咖喱汁好creamy好香！雞塊都幾多👍🏻
真係幾推介一試！
今次試瑪沙拉白腰果汁咖喱配羊肉
同上次嘅Korma相比 香料味比較重
蓋過白腰果同椰汁味 味道比較濃
羊肉好香 羶味都會重啲
上菜時掛住兩大塊蒜蓉烤餅 都幾震撼😂
烤得幾香幾鬆軟 配咖哩好掛汁😋
另外都叫左個烤麥餅
口感相對naan比較薄同乾
麥味都重嘅 配咖喱都不錯～
—————————————————————
總結
食物味道會比大坑店濃啲同咸啲
不過整體感覺係好坐啲嘅～
要讚店員好細心 好主動介紹食物👍🏻
