Read full review
2020-11-23
453 views
※本文以用餐當日的環境、服務和食物質素為準，口味亦因人而異，文章只作參考之用。.天后最近開左呢間特別的「意日fushion菜」，菜式融合新穎，望住餐牌既選擇，有好多都想試。雖然店內不大，但內藏不少畫牆打卡位😬 環境更帶有浪漫既氛圍。餐牌上分別有頭盤、熱盤、配菜、意大利粉/飯、大盤、甜品等，仲有數款以龍蝦作主角既菜式 🤤 最近佢地拎左酒排，mocktail同cocktail都有得飲🍹🥃Apple Mojito $78、Caribbean Dreams $78兩杯Mocktail飲落都幾鍾意，唔會有好怕既藥水味出現🥰 前者飲落陣陣蘋果既清幽，加入青檸汁、薄荷葉同梳打在內，味道好清新；後者以接骨木、洛神花、橙、菠蘿同青檸汁所調製，賣相靚之餘，味道仲酸酸甜甜很開胃！香脆天婦羅海鮮雪糕筒 $158很可愛的以甜筒呈現的天婦羅海鮮雪糕筒，裡面有炸得香脆不油的天婦羅魷魚圈同黃金天婦羅炸生蠔。另外仲伴有他他醬和辣醬，用來點天婦羅同甜筒脆片都好食！香辣魔鬼原隻波士頓龍蝦 $430用上中日fushion既做法，先炸香原隻龍蝦，面頭放上用清酒炒過既蒜和椒等，再放埋充滿日本風味既木魚絲，食落無半點違和感！而且龍
.
天后最近開左呢間特別的「意日fushion菜」，菜式融合新穎，望住餐牌既選擇，有好多都想試。雖然店內不大，但內藏不少畫牆打卡位😬 環境更帶有浪漫既氛圍。餐牌上分別有頭盤、熱盤、配菜、意大利粉/飯、大盤、甜品等，仲有數款以龍蝦作主角既菜式 🤤 最近佢地拎左酒排，mocktail同cocktail都有得飲🍹🥃
Apple Mojito $78、Caribbean Dreams $78
兩杯Mocktail飲落都幾鍾意，唔會有好怕既藥水味出現🥰 前者飲落陣陣蘋果既清幽，加入青檸汁、薄荷葉同梳打在內，味道好清新；後者以接骨木、洛神花、橙、菠蘿同青檸汁所調製，賣相靚之餘，味道仲酸酸甜甜很開胃！
香脆天婦羅海鮮雪糕筒 $158
很可愛的以甜筒呈現的天婦羅海鮮雪糕筒，裡面有炸得香脆不油的天婦羅魷魚圈同黃金天婦羅炸生蠔。另外仲伴有他他醬和辣醬，用來點天婦羅同甜筒脆片都好食！
香辣魔鬼原隻波士頓龍蝦 $430
用上中日fushion既做法，先炸香原隻龍蝦，面頭放上用清酒炒過既蒜和椒等，再放埋充滿日本風味既木魚絲，食落無半點違和感！
而且龍蝦肉食落爽口，某些位置仲帶有邪惡既蝦膏，同埋炒過既蒜同椒一齊食，會有食緊避風塘炒蟹既風味，唔太辣，但又好惹味！
原鍋海膽蟹膏日本蟹子燴意大利飯 $238
用上蟹膏去煮的意大利飯，不過蟹膏味唔算突出，建議可再調較濃度，但就咁食味道都係唔錯既；海膽味亦都比想像中濃，仲加左蟹子增加口感，唔錯
抹茶提拉米蘇 $68
提拉米蘇既賣相很可愛，不過覺得抹茶味可以再重手少少，甜度再低少少會更好呢。
Post
